Илјадници жители кои живеат во близина на вулканот кој врие над туристичкиот остров Бали побегнале од своите домови во страв од ерупција, прва по повеќе од половина век, објавија индонезиските власти.
Сместена на околу 75 километри од главните туристички дестинации Кута и Семинјака, планината Агунг исфрли чад до 700 метри над својот врв кој се наоѓа на малку повеќе од 3.000 метри надморска височина.
Околу 30.000 жители на Карангасем, вклучително и оние кои веќе побегнале од округот кој е најблиску до вулканот во претходната тревога во септември, ги напуштиле домовите, изјавиле локалните власти.
Претходната ерупција на вуканот Агунг е регистриана во 1963 година. Вулканот тогаш исфрлала пепел до индонезиската престолнина Џакарта, оддалечена околу 1.000 километри. Во неколкуте ерупции тогаш имало речиси 1.600 загинати.
Директорот на Центарот за вулканологија и управување со геолошки опасности го повика населението да остане смирено, истакнуајќи дека нивото на тревога не е променето. Порасна на максималното ниво кон крајот на септември, а кон крајот на октомври беше спуштено за еден степен.
