Режисерот Колин Тревороу реши да им подари на фановите краток поглед кон светот на новиот „Jurassic World: Fallen Kingdom“. Покрај Овен, ликот кој го глуми Крис Прат, во видеото можете да видите и како изгледа бебе велосираптор.
Можеби е сѐ уште рано за да добиеме трејлер, но сепак Колин Тревороу не сакаше да нѐ држи долго во неизвесност и на неговиот Twitter профил сподели кратко видео кое ги покажува Крис Прат (Овен Брејди) и малото бебе раптор, кое многу потсетува на Baby Blue од претходниот филм од оваа франшиза, „Jurassic World“.
From our Jurassic family to yours. @FilmBayona @PrattPrattPratt @BryceDHoward @LeDoctor #FALLENKINGDOM pic.twitter.com/KiR3et9Vx1
— Colin Trevorrow (@colintrevorrow) November 22, 2017
Според бојата на кожата, малиот велосираптор потсетува на Blue, кој беше возрасен во претходниот дел од оваа франшиза, и едно од логичните објаснувања е дека овој исечок од филмот претставува сеќавање кое го има главниот лик, Овен Брејди.
„Jurassic World: Fallen Kingdom“ доаѓа во кино-салите на 22 јуни 2018 година.
