Џафери – Палмер: Интеграцијата во ЕУ и НАТО е врвен приоритет

Share on facebook
Facebook
Share on twitter
Twitter
Share on email
Email
Share on print
Print

Интеграцијата во НАТО и ЕУ останува врвен државен, политички и стратешки приоритет на Република Македонија, а Парламентот се приклучува кон заложбите за реформските процеси кои се приоритет на парламентарното мнозинство и на сите политички чинители, при што од суштинско значење е и конструктивноста на опозицијата, истакна претседателот на Собранието Талат Џафери на средбата со директорот на Канцеларијата за јужна и централна Европа во Стејт департментот Метју Палмер.

 

„Законодавниот дом се приклучува кон заложбите за реформските процеси кои им се приоритет како на парламентарното мнозинство така и на сите политички фактори во државата, при што и конструктивноста на опозицијата е од суштинско значење. Во таа насока поддршката од УСАИД е повеќе од добредојдена и значително придонесува во демократскиот развој на земјата“, рече Џафери.

 

На средбата Палмер истакнал дека САД се грижат за демократските процеси и владеењето на правото во Македонија, бидејќи, како што рекол, во неа гледаат партнер кој и во иднина ќе продолжат да го поддржуваат.

 

За време на средбата двајцата соговорници разговараа за актуелните политички случувања во земјата, при што се согласија дека судската власт треба да е независна и транспарентна во донесувањето на одлуките, но и да води сметка за интересот на државата и доброто на граѓаните.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи