Првата ѕвезда на Реал Мадрид, Кристиано Роналдо е добитник на овогодинешната „Златна Топка“, а до крајот на кариерата рече дека планира да освои уште две вакви награди.
Сега португалскиот ас има пет златни топки, со што се израмни со главниот ривал, Лионел Меси. По доделувањето на наградата, Роналдо самиот си се пофали дека е најдобриот играч во историјата на фудбалот.
„Јас сум најдобриот играч во историјата на фудбалот. Не гледам дека некој е подобар од мене. Ниту еден не успеа да го направи тоа што јас го направив. Сакам да освојам седум златни топки“, изјави Роналдо.
