СЈО изврши претрес во домовите на Кирил Божиновски и Елизабета Канческа-Милевска

Специјалното јавно обвинителство врши претрес во домот на поранешната министерка за култура Елизабета Канческа-Милевска и на екс генералниот секретар во владата на ВМРО-ДПМНЕ, Кирил Божиновски.

 

Божиновски и Канческа Милевска се осоминчени во предмети на Специјалното јавно обвинителство. Божиновски е еден од обвинетите во случајот „Титаник“ на СЈО. Се товари за Злосторничко здружување и Злоупотреба на средства за финансирање на изборна кампања.

 

Од СЈО бараа на Божиновски да му се одреди притвор, поради опасност од бегство и влијание на сведоци, но судот го одби ова барање и само му го одзеде пасошот. Канческа-Милевска е обвинета во случајот „Тендери“.

 

Засега е непознато дали покрај претресите е издадена наредба за приведување на Божиновски и на Канческа-Милевска, и дали претресите се извршени за нова предистражна постапка или за случај што веќе е во тек.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien