Владата ќе ги покрие долговите на државните студентски домови

Facebook
Twitter
Email
Print

Владата на вчерашната седница донесе одлука за доделување финансиски срeдства на повеќе државни студентски домови за да се надоместат долговите и преостанатите режиски трошоци до крајот на годината.

 

Министерството за образование и наука во јуни соопшти дека Државниот студентски центар „Скопје“, под чија закрила функционираат студентските домови „Стив Наумов“, „Гоце Делчев“ и „Кузман Јосифовски – Питу“ имаат долгови од 4,5 милиони евра.

 

Согласно податоците за неподмирени и преземени обврски на ДСЦ „Скопје“ до 31 мај, долговите достигнуваат 282.754.637,00 денари. Од нив, за комунални услуги, греење, комуникација и транспорт долгот е 101.720.685 денари или 1,6 милиони евра.

 

„Доколку, раководството на ДСЦ „Скопје“ – Скопје, навреме ги подмируваше долговите и обврските, немаше да се доведат студентите кои се сместени во Студентскиот дом ’Гоце Делчев’ но и во останатите студентски домови да ги подготвуваат испитите во темница, и да стравуваат дека ќе останат без електрична енергија или вода за пиење и елементарни услови за престој во објектите“, соопштија од Министерството за образование пред неколку месеци.

 

Министерството претходно информираше дека договориле исплата на долгот со ЕВН Македонија и дека е надминат проблемот со електричната енергија во студентскиот дом „Гоце Делчев“ во Скопје.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи