Тотенхем со 5-2 го победи Саутемптон во првиот натпревар од „Боксинг деј“ колото кое традиционално се игра секоја година во Премиерлигата, супер ефикасен меч во кој царуваше Хари Кејн кој постигна три гола.
За Кејн ова беше осми хет-трик сезонава (шест во Премиер-лигата и по еден во Лигата на шампионите и во ФА-купот), вкупно 39-ти гол (на 36 натпревари) во 2017 година, со што ги надмина рекордните 36 (на 42 меча) на Алан Ширер постигнати во 1995 година, во дресот на Њукасл.
Зад Кејн и зад Ширер според бројот на постигнати голови во една календарска година се двајца поранешни фудбалери на Арсенал, Робин ван Перси, кој во 2011 година даде 35 и Тиери Анри, кој во 2004-та постигна 34 гола.
