Заев: Нема да има ни „П“ од правна држава ни „Р“ од реформи ако законот не важи еднакво за сите

Оваа Влада се што затекна како можен криминал го процесуираше до Обвинителството. По мои информации се работи за десетици и десетици потенцијални предмети за истрага од страна на Јавното обвинителство кое што секако ќе каже дали има некаде основани сомневања за отворање можни судски постапки за било кој што потенцијално се огрешил пред закон, рече премиерот Зоран Заев, одговарајќи на пратенички прашања во Собранието.

 

Тој истакна дека во државата законот мора да важи еднакво за сите и оти никој не смее да помисли да влијае врз носењето на правосудските одлуки.

 

„Зборувам отворено, ако сака нека е од СДСМ, ДУИ, Алијанса за Албанците,  ВМРО, Беса, од сите политички партии во државата, законот мора да важи еднакво за сите. Нема да има ни „П“ од правна држава ни „Р“ од реформите ако се обидеме макар да помислиме некого да го заштитиме исправен пред правдата“, истакна премиерот.

 

Тој додаде дека судиите и обвинителите се дожни да носат одлуки согласно Устав и закон и согласно сопствено убедување.

 

„Убеден сум дека сите мораме да работиме во функција на охрабрување на институциите на системот меѓу кои и на правосудните во државата. Ова е многу важно ако сакаме да бидеме нормална земја, рамноправен партнер на европските земји, делењето на правдата мора да биде исклучиво независно со целосно растоварување од какво било влијание на луѓето во правосудството кои ги носат одлуките, рече премиерот и додаде дека ниту помислил, ниту пак добил информација дека некој на некаков начин влијаел во Државното обвинителство или СЈО за можни потенцијални предмети на осомничени лица кои можно биле под истрага или ќе бидат под истрага“, рече Заев.

 

Охрабри владеење на законот и потенцира дека мора да има владеење на правото. Правната држава, оцени, е столбот на секоја земја, така мора да биде и кај нас и дефинитивно законот мора еднакво да важи за сите.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien