Барса: Петмина заминуваат, пристигнуваат две големи ѕвезди!

Барселона во јануари би можела да се ослободи од пет свои фудбалери, пишува каталонски „Спорт“. Тренерот Ернесто Валверде наводно сметал дека повеќе нема да му бидат потребни, а клубот би можел добро да заработи кога веднаш би ги продал.

 

Прв кој сигурно заминува е Хавиер Маскерано кој веќе договори трансфер во Кина, но таму ќе замине на крајот од преодниот рок за дотогаш да и помогне на десеткуваната одбрана на Барса.

 

Арда Туран сезонава не одигра ниту една минута, а сега е многу блиску до трансфер во Бешикташ. Рафиња се опорави по осум месеци повреда и најверојатната негова дестинација е Селта, бидејќи сака поголема минутажа со цел да се избори за место во репрезентацијата на Бразил за СП во Русија.

 

Алекс Видал веќе долго е на трансфер листа, на која ново име е Џерард Делофеу кои не успеа да се наметне по враќањето во Барселона. Сега би можел да се врати во Милано, но не во Милан туку во Интер.

 

Парите од продажбата на овие пет фудбалер Барселона планира да ги вложи во две ѕвезди кои треба да донесат свежина во каталонските редови. Еден е ѕвездата на Ливерпул, Филипе Кутињо за кого ќе мора да плати 150 милиони евра, а вториот е офанзивецот на Атлетико Мадрид, Антоан Гризман кого Барса планира да го купи следното лето за 100 милиони евра.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien