ВИДЕО : „THE FOUR“ – Вистинско освежување на македонската клубска сцена

Групата „THE FOUR“ од Прилеп постои скоро година и половина и таа претставува вистинско освежување на македонската клубска сцена. Свират урбана поп и рок музика. Интересно е тоа што овој бенд нема електрични инструменти, како електрична гитара, нема бас гитара, нема класичeн сет на тапани, туку песните се повеќе на акустика, со акустична гитара, кахон и клавијатури како пратечки инструмент.

 

 

За време на празниците имаа навистина турбо период со голем број на свирки во кафулињата и клубовите Прилеп, Битола, Охрид и други градови, а исто така учествуваа и на новогодишната прослава на плоштадот „Методија Андонов Ченто“.

 

Групата има два вокали, Даниел Павлоски и Бобан Лашкоски кој свири исто така и гитара, а додека при интерпретацијата на песните вокално се вклучуваат и Душко Темелкоски клавијатури и Емил Велкоски тапанар и кахон.

 

Даниел и Душко имаат заедничка соработка веќе една деценија. Пред „The Four“ тие беа членови на бендот „Трета димензија“. Со таа група имаа 5-6 свои композиции, но не издадоа албум. Учествуваа на повеќе фестивали, а учествуваа со своја композиција и на изборот за песна за Еврововизија.

 

Инфо Компас направи интервју со двајцата членови, Даниел Павлоски и Душко Темелкоски, со кого поразговаравме околу настанувањето на групата, моменталните ангажмани, но и идните планови.

 

„THE FOUR“ велат дека ќе продолжaт со интензивни свирки по градовите низ цела Македонија, а наскоро планираат да ја извадат и својата прва песна.

 

Повеќе околу овој разговор погледнете во видеото.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи