Свечена академија по повод патрониот празник на СОУ гимназија „Мирче Ацев“ – Прилеп

По повод патрониот празник на гимназијата „Мирче Ацев“ од Прилеп, вечерва во народниот театар „Војдан Чернодрински“ се одржа свечена академија на која учениците се претставија со богата културно-забавна програма. На свечената академија во чест на народниот херој Мирче Ацев настапија: гимназискиот хор којшто се претстави со повеќе композиции под диригенство на проф. Татјана Иваноска, а со пригодни стихови се претставија рецитатори како и вокални солисти.

 

Инаку денеска се одбележуваат 75 години од смртта на Мирче Ацев и 73 години од формирањето на прилепската гимназија со решение на Президиумот на АСНОМ.

 

„Ги заокружуваме свеченостите околу патрониот празник кои започнаа уште минатата недела со спортски активности, поетска вечер, ликовна изложба, а вечерва на традиционалната свечена академија особена чест ни прави присуството на градоначалникот Илија Јованоски кој беше некогашен ученик на гимназијата што зборува за богатството од знаења што го нуди гимназијата, а кое мислиме и понатаму да го продолжиме со што поголеми успеси“, истакна Диме Настески директор на гимназијата „Мирче Ацев“.

 

На манифестацијата присуствуваше и градоначалникот Јованоски кој им порача на младите да се борат за нови идеи, знаења и нови предизвици.

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи