Колумбиската убавица е најпопуларна пејачка за 2017 според YouTube

Популарната колумбиска пејачка и сопруга на фудбалерот Џерард Пике, благодарение на хитовите „Perro Fiel“ и „Me Enamorе“ се пофали пред своите бројни фанови дека има најмногу прегледи на YouTube платформата за изминатата година.

 

Четириесетгодишната пејачка оваа вест ја сподели со фановите на Instagram.

 

„Колку е убаво да се започне новата година знаејќи дека ми давате толкава поддршка. Ве сакам многу“, напиша Шакира под сликата.

 

 

Минатата година беше многу успешна, но и многу стресна за Шакира. Покрај здравствените проблеми кои ги имаше, кои замалку ќе ја натераа да ја откаже светската турнеја, таа мораше да се справува и со притисокот од шпанската јавност која го обвинуваше нејзиниот маж за предавство.

 

Имено, Џерард Пике е страсен борец за независност на Каталонија и тој неколкупати го кажа тоа во јавност токму додека траеја притисоците на каталонскиот народ врз владата. Шакира беше на мета на шпанските националисти кои сакаа да допрат до Пике преку неа.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien