Две лица загинаа, a 40-ина се повредени по експлозијата во белгискиот град Антверпен, која оштети неколку згради. Полицијата во Антверпен изјави дека експлозијата не била поврзана со терористички напад и информира дека веројатно се должи на истекување гас.
„Сѐ уште ништо не знаеме за причините. Вистинската истрага допрва ќе уследи“, изјавија од локалната полиција.
Експлозијата одекнала во италијанскиот ресторан „Примавера“ во областа Парденмаркт, а од нејзината јачина се урнала зградата во која бил сместен ресторанот.
Полицијата објави дека две тела се пронајдени под урнатините, а уште шест луѓе се во критична состојба, по експлозијата во дел од градот во којшто живеат студенти. Уште две згради се оштетени, а од шест е наредена евакуација на жителите. Во акцијата на пребарување на урнатините се вклучени и кучиња.
