Споменикот на Крал Марко во Прилеп испишан со кукасти крстови

Во текот на изминатата ноќ, непознати сторители испишале кукасти крстови на споменикот на Крал Марко во центарот на Прилеп. Инспекциските служби при Општина Прилеп го регистрирале овој вандалски чин, а во текот на денот споменикот е исчистен.

 

„Случајот е пријавен во Полициската станица од општа надлежност – Прилеп, очекуваме надлежните служби да ги откријат сторителите. Општина Прилеп го осудува ваквиот вандалски чин и упатува апел до граѓаните на Прилеп да ги чуваат спомениците и споменичните обележја во градот, а секој обид за нивно сквернавење да го пријават во Полициската станица“, велат од Општина Приилеп.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.