Шпанија ја прегази Македонија

Македонија вечерва доживеа добакл со Шпанија, нашите ракометари изгубија 31:20 во нивниот прв натпревар во главната фаза од Европското првенство во ракомет кое што се игра во Хрватска.

 

Шпанците од самиот старт тргнаа напаѓачки и направија предност која што ја надградуваа и одржуваа во целиот натпревар.

 

 

Во првото полувреме во 12-тата минута повреда заработи и капитенот на македонската репрезентација, Кире Лазаров, кој потоа го пропушти остатокот од мечот. Со тоа стана јасен и нашиот пораз. Неговата повреда дојде во моментот кога Шпанија водеше со 7-2, а нашите ракометари се уште чекаа прв гол од игра.

 

 

Со овој пораз Македонија паѓа на четвртата позиција во групата со пренесените 3 поени од првата фаза.

 

Данска се наоѓа на првата позиција со 6 поени, пред Германија и Шпанија со по 4, по што следуваат Македонија со 3, Чешка со 2 и Словенија со 1 поен.

 

Утре следува уште еден ден за одмор, а следниот натпревар Македонија го игра во вторник, против селекцијата на Чешкаво 20.30 часот, а во среда играме против Данска во 18.30 часот.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien