Нил Дајмонд се повлекува од настапи, дијагностицирана му е Паркинсонова болест

Американскиот пејач Нил Дајмонд денеска објави дека ја откажува актуелната турнеја и се повлекува од одење на турнеи бидејќи дознал дека боледува од Паркинсонова болест.

 

Седумдесетгодишниот пејач ги откажа мартовските концерти во Австралија и Нов Зеланд поради советите од докторите. Турнејата беше организирана по повод 50-годишнината од неговата кариера.

 

„Навистина ми е чест што успеав да се претставам на публиката преку концертите во изминатите 50 години. Примете го моето лично извинување сите вие кои купивте карти и сакавте да дојдете на концертите. Фала на целата моја лојална и посветена публика низ светот“, рече Нил Дајмонд во официјалната изјава за медиумите.

 

Дајмонд се надева дека ќе продолжи да пишува и да снима во наредниот период. Тој во богатата кариера има добиено Греми награда, продаде 130 милиони албуми ширум светот и ќе остане запамтен како еден од најпродаваните артисти на сите времиња.

 

„Благодарен сум ѝ на мојата лојална и посветена публика низ целиот свет. Секогаш ќе ве ценам за вашата поддршка и охрабрување. Ова патување  беше толку добро, толку добро, благодарение на вас “, рече Дајмонд.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи