Малата Јована ја пронајде среќната паричка во бурекот од Жито Прилеп

Како секоја година, така и оваа Жито Прилеп заедно со граѓаните на град Прилеп традиционално го одбележа празникот Василица.

 

Темпераментна, мила и со многу радост малата Јована Бошевска ни соопшти дека токму таа ја пронашла среќната паричка во бурекот за време на семејниот ручек, а како подарок од компанијата си доби златник со ликот на Богородица и 39 инчен телевизор Филипс. Вели, најмногу сака да гледа цртани и да слуша музика, а отсега натаму тоа ќе го прави заедно со нејзиното мало братче Ведран.

 

Организирањето на колективното одбележување на празникот Василица на ниво на град Прилеп е традиција која компанијата ја воспостави со цел да ги поддржи и унапреди  човековите вредности  и да ги поттикне младите луѓе да не ја  забораваат на македонската традиција.

 

„Прилеп е град каде традиционално се одбележува празникот Василица со вртење бурек со паричка. Тоа е ден кога секој секого го прашува „Кај кого се падна паричката?“, а социјалните мрежи изобилуваат со фотографии со среќните пронаоѓачи. Годинава малата Јована беше најсреќна во Прилеп. Среќни сме што младите семејства ја негуваат традицијата на одбележување на празникот Василица, а особено ни е драго што довербата за квалитетна храна и ја дале токму на нашата компанија“, рече Елизабета Мојсоска, задолжена за односи со јавност во Жито Прилеп АД Прилеп.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи