Одложен изборот на претседател на Владата на Каталонија

Facebook
Twitter
Email
Print

Спикерот на каталонскиот парламент Рогер Торен ја одложи расправата на регионалното собрание на која требаше да биде реизбран Карлес Пучдемон за лидер на новата влада, со што се одложи и неговото контроверно враќање во земјата.

 

Торен го брани правото на Пучдемон да биде реизбран за каталонски лидер и покрај тоа што судот забрани, по изборите од декември на кои сепаратистичките партии победија и поранешниот лидер беше официјално номиниран за кандидат за претседателство.

 

„Денешната седница ќе биде одложена, но во ниеден случај нема да биде откажана… нема да има друг кандидат“, изјави  Торен на прес-конференција.

 

Пучдемон, кој ја напушти Каталонија и замина за Белгија, откако Каталонија прогласи независност во октомври, се соочува со можност од апсење, ако се врати во Шпанија за да ја води сесијата во богатиот североисточен регион дом на 7,5 милиони луѓе.

 

Каталонските пратеници беа подготвени да го изгласаат за лидер денеска, но шпанскиот Уставен суд во саботата пресуди дека 55-годишниот Пучдемон мора лично да присуствува на седницата на којашто треба повторно да биде избран да ја води Каталонија. Судот забрани негово именување преку линковска врска, а исто така и својот глас да му го отстапи на друг пратеник во текот на гласањето.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи