СЈО бара казна затвор за Ивона Талевска

Специјалното јавно обвинителство поднесе жалба до Апелациониот суд по однос на пресудата во случајот „Тифани“ каде на новинарката Ивона Талевска и беше пресудена условна казна од две години за затајување на данок.

 

„Поднесена е жалба до Апелација, се бара да се преиначи пресудата во ефективна затворска казна. Се бара и повисока парична казна за нејзе како физичко лица и за приватните фирми каде се јавува како управител“, велат од СЈО.

 

Неофицијално, новинарката Ивона Талевска почнала да враќа дел од сумата, која изнесува приближно 2,5 милиона денари. Според пресудата на Кривичниот суд Талевска ќе треба да ја врати целата сума, за која се сомничеше во случајот „Тифани“,  a треба да плати и околу 1.000 евра за направено вештачење.

 

Минатиот месец Талевска беше осудена со условна казна затвор од две години доколку во следните 4 години не го повтори делото даночно затајување.

 

Случајот „Тифани“ се однесува на кривично дело што траело од 2008 до 2014 година, при што Талевска како управителка на друштвото за консалтинг „Смарт ДООЕЛ“ и на „Смарт груп ДООЕЛ Скопје“ за даночните 2008 – 2014 година одбегнала да плати даноци, а во завршните сметки давала лажни податоци, при што одбегнала да плати 2.314.463 денари или 37.634 евра преку фирмите и 1.040.840 денари или 16.924 евра личен данок.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien