Шпанското обвинителство повторно го обвини поранешниот фудбалер Чаби Алонсо за затајување на данок, информираат тамошните медиуми.
Според обвинителството, поранешната ѕвезда на Реал, Ливерпул и Баерн се обидел да ги скрие приходите од маркетинг во периодот од 2010 до 2012 година, кога играше во Реал Мадрид.
Станува збор за износ од 2 милиони евра. Шпанските обвинители за Алонсо бараат драстична казна – четири милиони евра и казна затвор во траење од 5 години!
Случајот бил отворен и во 2015 година, но Алонсо тогаш тврдел дека е невин па истрагата била прекината.
Алонсо е последниот фудбалер во низата на играчи за кои беше потврдено дека затајувале данок. Од затворски казни се спасија Лионел Меси, Кристијано Роналдо, Хавиер Маскерано…, а сега останува да се види дали Алонсо ќе успее да се договори.
