Непознато лице застрелало и ранило полицаец и држи заложници во супермаркет во градот Требу, близу Тулуз, Франција, информираат локалните медиуми.
Според првичните информации, вооружениот напаѓач влегол во маркетот и таму држи како заложници непознат број на луѓе. Во моментов супермаркетот е опколен со полиција.
„ Јас сум војник на Исламската држава“, извикувал осомничениот.
Се претпосатвува дека напаѓачот претходно пукал во полицајци и ранил во рамо еден од нив, а потоа влегол во маркетот. Тогаш повтроно се слушнале истрели од огнено оружје.
„Има две жртви“, изјави градоначалникот на градот Треб каде е инцидентот, притоа без да прецизира дали станува збор за повредени или убиени.
Министерството за внатрешни работи го потврдило инцидентот, а полицијата ги информира граѓаните да не одат во близина на супермаркетот.
Францускиот главен обвинител изјави дека заложничката криза ја третира како терористички напад.
