Со грант кој го доделува ЕУ Општина Прилеп ќе го заштитува и доуредува комплексот Маркови кули. Овие средства се доделени како дел од програмата за подобрување со управувањето со заштите подрачја, вредна 4 милиони евра, кои ќе бидат распределени 17 апликанти, општини и граѓански здруженија. Проектот ќе го реализира УНДП.
Денес на Марковите Кули се развива болдерингот, параглајдингот, пешачењето, планинскиот ултра маратон и другiте видови на туризам. Токму поради огромниот број на посетители значајно е да се заштити ова подрачје, со воспостување на систем на заштита и мониторинг и други инфраструктурни зафати за подобра пристапност.
Со овој проект грантови до 400.000 евра ќе добијат и националните паркови Пелистер, Галичица и Маврово, Охридско, Преспанско и Дојранско езеро, Јасен и Матка.
