Меѓународните инспектори за хемиско оружје добија дозвола за влез во Дума

Share on facebook
Facebook
Share on twitter
Twitter
Share on email
Email
Share on print
Print

Инспекторите за хемиско оружје во Сирија  добија пристап до наводната локација каде беше извршен хемиски напад. Тимот е во земјата од саботата, но до денеска му беше забранет влезот  во Дума.

 

Инспекторите пристигнуваат на местото, 11 дена по нападот. Тие треба да земат примероци од  почвата и други остатоци кои треба да им помогнат да ги идентификуваат  сите хемикалии кои биле  користени во нападот.

 

Американскиот амбасадор Кенет Вард на состанокот на Организацијата за Забрана за употреба на хемиско оружје изрази сомневање дека  руските сили можеби се обидуваат да ги отстранат доказите, што е и причина поради која не се дозволува влез на истражителиите.

 

Рускиот министер за надворешни работи, Сергеј Лавров, ги негираше ваквите обвинувања. Тој за Би Би Си рече дека доказите за хемискиот напад биле “базирани на медиумски извештаи и социјални медиуми”.

 

Нападот на 7 април предизвика бомбашки напади врз сириската влада една недела подоцна од страна на САД, Франција и Велика Британија. Сирија негира дека имало каков било хемиски напад во градот, а Русија ги обвини САД дека го измислиле и исценирале хемискиот напад.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video