Гледачите на СП во Русија во живо ќе може да ја гледаат ВАР-анализата

Гледачите на стадионите во Русија за време на Светското првенство, кое почнува на 15 јуни ќе имаат можност во живо на големите екрани да ја гледаат ВАР-анализата на спорните моменти.

 

Светската фудбалска федерација (ФИФА) донесе одлука неодамна дека се воведува видео-технологијата (ВАР) како дополнителна помош за судиите на претстојниот Мундијал, а на семинарот кој се одржува во Фиренца беше обелоденето дека гледачите ќе мора да ја видат до детал анализата поради која е донесена одредена одлука за спорниот момент.

 

„Нормално, свесни сме за важноста на комуникацијата и внатре, но и надвор од стадионот. Ќе ги прикажеме сите графики и успорените снимки за било која спорна ситуација на големите екрани на стадионот“, рече Себастијан Рунге, задолжен за иновациите во ФИФА на семинарот во Фиренца.

 

Тој објасни како е сплопен целиот проект за да може фудбалската јавност да ги види деталите од спорниот момент.

 

„Целата комуникација на мечевите на СП во Русија ќе биде испратена на еден човек во т.н. Соба за анализа на видеа. Таа личност ќе има увид во сите случувања и треба да види сè што судијата гледа, а ќе ја слуша и целата комуникација на главниот арбитар со помошниците. Тој човек ќе треба да овозможи релевантни информации што е можно порано и до коментаторите и до луѓето одговорни за екраните на стадионите. Толкувањето на спорниот момент исто така ќе може да се види и на интернет-страницата на ФИФА, на апликациите на ФИФА, како и на ТВ-екраните низ преносите низ светот“, додаде Рунге.

 

Снимката нема да биде прикажана истиот момент кога судијата ја прегледува ,туку нешто подоцна.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien