Караџиќ бара слобода, обвинителите – доживотен затвор

Воениот лидер на босанските Срби Радован Караџиќ денеска ќе поднесе жалба за неговата 40-годишна затворска казна пред судиите на Обединетите нации во Хаг. Тој тврди дека неговата пресуда треба да биде поништена поради правни грешки и бара ново судење.

 

72-годишниот Караџиќ беше осуден во 2016 година за геноцид, воени злосторства и злосторства против човештвото извршени во поранешна Југославија, вклучително и масакрот во Сребреница во 1995 година.

 

Повеќе од 100.000 луѓе беа убиени, а околу 2.2 милиони други беа принудени да ги напуштат своите домови за време на босанската војна во периодот 1992-1995 година.

 

И обвинителите, исто така, се жалат на 40-годишната затворска казна, барајќи да се зголеми на доживотен затвор. Одлуката се очекува до крајот на годината.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien