Србија се закани дека ќе го уапси Харадинај доколку влезе во Прешево

Share on facebook
Facebook
Share on twitter
Twitter
Share on email
Email
Share on print
Print

Министерот на српската полиција Небојша Стефановиќ упати предупредување до косовскиот премиер Рамуш Харадинај дека ќе биде уапсен доколку тој оди во посета на општините на југот од Србија во кои живее мнозинство албанско население.

 

„Сѐ уште е во сила потерницата по него што е издадена од нашите судови и секако ќе биде уапсен ако ѝ биде достапен на полицијата“, рече Стефановиќ за дневниот весник „Курир“.

Претходно Харадинај изјави дека е подготвен да ги посети Прешево и Медвеѓа по покана на локалните власти и додаде дека тој не би се движел илегално, туку со дозвола на српските власти.

 

Република Србија го обвинува Харадинај за воени злосторства во текот на оружениот судир на Косово во 1998 и 1999 година. Франција, која се повика на потерницата на Србија од 4 јануари 2017 година, го уапси Харадинај, но Апелацискиот суд во францускиот град Колмар ја одби минатата година по барањето за испорачување на Харадинај.
Потерниците за Харадинај и за претседателот на Косово, Хашим Тачи, кои ги распишаа властите на Србија, повеќе не се на страницата на Интерпол, а министерот Стефановиќ вели дека тие се во базата на Интерпол, но дека не се видливи, објави Б92.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи