Работници од Фени индустри бараат промена во синдикатот

Share on facebook
Facebook
Share on twitter
Twitter
Share on email
Email
Share on print
Print

Работниците на ФЕНИ Индустри преку писмо во јавноста најавија дека бараат промена на Претседателот на синдикалната организација на овој комбинат.

 

Велат дека сега конечно се задоволни, дека редовно примаат плата, дека се задоволни од стечајната постапка и дека конечно за нив завршила, како што велат, двегодишната голгота.

 

„Постојано не надгледуваа и ни се закануваа ако зборуваме нешто против „Кунико“, а директорот избега од државата и ја продаде фирмата за едно евро. Постојано ни велеа дека ќе влезат пари и инвестиции, а тоа никогаш не го видовме. Потоа дојде „Енекорд“ а тие на заемот за да си купиме огревни дрва ни наплатуваа камата. Ни ветуваа плати и рестарт, а од тоа ништо“, се вели во писмото.

 

Сега велат дека се задоволни и дека ФЕНИ по долго време работи како што треба, се исплаќаат долговите, се нормализираат платите и дека се полнат залихите.

 

Воедно ја повикуваат ревизорот Слаѓана Тасева од Транспаренси Интернашнал, која ја оспори стечајната постапка и влезе во дуел со вицепремиерот Кочо Анѓушев, да дојде, да ги посети 800-те вработени и самата да се увери.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video