ВИДЕО – Галеријата на икони во Прилеп – уникатен бисер на нашето културно и црковно наследство

Share on facebook
Facebook
Share on twitter
Twitter
Share on email
Email
Share on print
Print

Галерија на икони е отворeна во 2002 година и се наоѓа во објектот на т.н. „Баба Неделино училиште“. Овој објект инаку е првото женско училиште отворено во Прилеп кон крајот на 19 век, дотогаш немало дозвола девојчињата да се школуваат.

 

Секоја икона има своја посебна приказна, а во галеријата се наоѓаат 66 икони кои потекнуваат од прилепско. Најстариот експонат е фреската на Архангел Гаврил која потекнува од 12 век. Фреската потекнува од од манастирската црка од манастирот Свети Архангел Михаил, од населбата Варош, која се наоѓа под денешната црква.

 

Интересен е и деизисот на кој се претставени 12-те апостоли со Исус Христос, кој потекнува од 1535 година од црквата Свети Никола во село Зрзе и кој е насликан целииот на една штица. Тука е Ерусалимското платно, иконата на која Христос е нацртан во македонски народни носии, како и иконата на Свети Христофор нацртан со глава на животно. Во галеријата се чуваат и одеждите на првиот прилепски Архиепископ Г.Г. Ангелариј од 19 век.

 

Погледнете ги овие ретки икони кои може да се видат единствено во Прилеп, а ретко кој знае и дека постојат.

 

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи