Путин положи заклетва, најави уште помоќна Русија

Share on facebook
Facebook
Share on twitter
Twitter
Share on email
Email
Share on print
Print

По четврти пат во големата палата во Кремељ Владимир Путин положи заклетва за претседател на Русија. Тој порача дека новиот мандат ќе биде посветен на подобрување на животниот стандард на Русите и зголемување на економската моќ на земјата и дека најверојатно тој ќе биде и негов последен.

 

„Ќе ја вршам функцијата со уважување на правото и слободата на граѓаните, ќе го штитам Уставот и ќе ги бранам суверенитетот, безбедноста и целовитост на државата и верно ќе му служам на народот“, изјавил Владимир Путин положувајќи заклетва на Уставот на Руската Федерација.

 

Околу 5.000 гости присуствуваа на церемонијата во Кремљ, вклучувајќи го и бившиот германски канцелар Герхард Шредер, кој седеше во првиот ред заедно со рускиот премиер Дмитри Медведев и патријархот Кирил.

Путин е шеф на државата веќе 18 години, од декември 1999 година, кога поранешниот Борис Елцин го постави за привремен претседател. Претседателските избори во Русија беа одржани на 18 март оваа година. Путин издвојува убедлива победа со 76,69 отсто од гласовите. Зад него останаа Павел Грудињин со 11,77 отсто од гласовите, Владимир Жириновски (5,65) и Ксенија Собчак (1,68) отсто од гласовите.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи