Русија се откажува од испраќањето на напредниот против-воздушен систем „С-300“ во Сирија

Share on facebook
Facebook
Share on twitter
Twitter
Share on email
Email
Share on print
Print

После состанокот помеѓу Нетанјаху и Путин, Русија се откажува од испраќањето на напредниот против-воздушен систем „С-300“ во Сирија. Информацијата директно денес ја потврди висок функционер од Кремљ, помошникот на Путин, Владимир Кожин.

 

Како што пренесува британската новинска агенција „Ројтерс“ и руски „Известија“, Кожин порачал дека Русија нема да преговара со Сирија околу испраќањето на против-воздушниот систем „С-300“, затоа што смета дека еден таков ракетен систем на Сирија не ѝ е потребен.

Не е тајна дека израелскиот премиер Нетанјаху веќе подолго време лобира кај Путин за Сирија да не добие таква против-воздушна одбрана, затоа што во еден таков случај, израелските авиони би биле повеќе загрозени кога би изведувале воздушни напади на позициите на сириската и иранската армија во Сирија.

Рускиот министер за надворешни работи, Сергеј Лавров после американскиот напад на Сирија порача дека Русија повеќе „нема морални пречки“ околу испраќањето на против-воздушниот систем „С-300“ на сириската армија, но сепак се чини дека и Русите се повлекоа после силните притисоци на Израел.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи