Заев: Една од опциите е прифатлива за двете страни

Share on facebook
Facebook
Share on twitter
Twitter
Share on email
Email
Share on print
Print

Премиерот Зоран Заев на прес конференција од Самитот во Бугарија рече дека во разговорите со грчкиот премиер Алексис Ципрас дошле до една опција која е прифатлива за двете страни.

 

„Разговараме суштествено и разгледавме повеќе опции, една од опциите е прифатлива за двете страни, ако е возможно ќе имаме решение. По се што беше постигнато констатиравме дека стоиме позади тоа и добро е што е завршено, а за тоа што е останато да се решава, утврдивме една опција која може да биде прифатена. Ако решението е прифатливо за двете страни во земјите, ќе имаме решение“, рече Заев.

 

Премиерот рече дека следуваат брифирања со сите релевантни политички партии во државите и презентирање на можното решение, а доколку не дојде до истото, останува да се преговара до есен.

 

„Ако нема решение ќе биде одложена одлуката на ЕУ, но пријателството останува и тоа ќе расте. Би било убаво тоа решение што е прифатливо и за двете страние да биде упште сега, имајќи ги предвид состанокот на Европскиот совет во јуни и НАТО самитот во јули. Тоа е нашата желба, но ако е возможно. Ако не е возможно, ќе продолжиме со барање на решение. Многу е решено, имаме и опција која би можела да биде прифатлива за двете страни. И ако тоа во земјите внатрешно е потврдено, би било и официјализирано“, рече Заев.

 

Според Заев, заробената држава и спорот со името биле тегоби во државата, со кои денеска успешно се справува владата.

 

„Маркон и Меркел даваат поддршка за зајакнување на односите на Македонија и Европската Унија. Сите ни ја даваат безрезервната поддршка и ни даваат признание за постигнатото. Членството на Македонија во ЕУ гарантира силни институции и правна држава, како и зголемен економски развој“, рече Заев кој додаде дека проширувањето на Унијата и обезбедување на нашето столче таму е реалност која е на дофат.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи