Општина Прилеп : Во основните училишта согласно законот во тек се постапките за избор на директор

Share on facebook
Facebook
Share on twitter
Twitter
Share on email
Email
Share on print
Print

Општина Прилеп категорично ги демантира наводите на денешната прес конференција на о.к. на ВМРО-ДПМНЕ  од Прилеп. Согласно со Законот за средно образование во сите 5 средни училишта во градот, им е продолжен мандатот на досегашните вршители на должноста – директор. Велат од Општина Прилеп како одговор на прес конференцијата на О.К.на ВМРО-ДПМНЕ Прилеп, на која од опозициионата партија обвинија дека во прилепското образование владее хаос.

 

Реакцијата ја пренесуваме во целост.

 

 

Во основните училишта во градот, согласно со законската регулатива и прописи во тек се постапките за избор на директор врз основа на распишаните огласи од училишните одбори.

 

Во училиштата каде што не се распишани огласи, согласно со законот и според насоките од Министерството за образование и инспекторатот, градоначалникот Илија Јованоски именуваше нови вршители на должноста- директор.

 

Доследна примена на законите и одговорно работење се елементарни заложби на оваа власт. Што ќе рече, сосем спротивно од работењето на претходната гарнитура од ВМРО-ДПМНЕ, која што ги остави во долгови и образовните институции, коишто главно се финансирани со буџетски пари.

 

Прес конференцијата на в.д. директорката на ОУ „Блаже Конески“, неодамна, која говори за неодговорното работење , ја отсликува во голема мера состојбата во прилепското образование цели 12 години, сè до доаѓањето на новата локална власт.

 

Секој друг атак врз работата на новата локална власт, градоначалникот Илија Јованоски и именуваните кадри е тенденциозен и необјективен, единствено во функција на дневно-политички маркетинг.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи