Бежоска ја презеде функцијата гувернер на НБРМ

Share on facebook
Facebook
Share on twitter
Twitter
Share on email
Email
Share on print
Print

И официјално Македонија ја доби првата дама гувернерка која ќе треба да ја управува Централната банка. Следните седум години, НБРМ ќе биде предводена од првата жена – гувернер, Анита Ангеловска Бежоска која од мнозинството во парламентот,  беше избрана за прв човек на оваа, со закон дефинирана, независна институција.

 

Анита Ангеловска Бежоска доаѓа од редот на професионалците и раководните структури на Народната банка на Република Македонија и според Иванов е решение за гувернерската позиција, со кое би се продолжил континуитетот на позитивното работење и успешното водење на монетарната политика на Република Македонија.

 

Таа има деветнаесет  години работно искуство, главно во областа на монетарната политика, макроекономската политика воопшто, фискалната политика и управувањето со јавните финансии.

 

„Пред мене стои предизвикот за продолжување со спроведување на успешна и независна монетарна политика во насока на остварување на законски гарантираните цели на централната банка, а тоа се ценовната стабилност за која што сметаме дека е најдобриот придонес кој што може да го даде во општеството и тоа преку стратегијата на одржување на стабилен девизен курс на денарот“, посочи Ангеловска-Бежоска.

 

Претходно, Богов си се пофали со сработеното во изминатите седум години. Се соочил со тешки моменти, но успеал да ги постигне двете клучни цели на банката, ценовна и стабилност на банкарскиот сектор.

 

„Најлошиот момент, комбинацијата на политичката криза во 2016 година и оној јас би го нарекол шпекулативен напад врз домашната валута и банкарскиот сектор, но тоа беше и голем предизвик за нас и голем тест, го поминавме успешно“, истакна Богов.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи