Илјадници евакуирани во САД и Куба поради бурата „Алберто“

Share on facebook
Facebook
Share on twitter
Twitter
Share on email
Email
Share on print
Print

Илјадници жители на американската сојузна држава Флорида се евакуирани поради суптропската бура Алберто која се движи на север во Мексиканскиот залив, пренесоа агенциите.

 

Метеоролозите предупредија дека бурата може да предизвика опасни по живот поплави во јужните крајбрежни држави.

 

Се очекува да достигне денес во северозападна Флорида, изјави Националниот центар за урагани на САД.

 

„Алберто“ е првата атлантска бура за 2018 година, која започна пред официјалниот почеток на сезоната на урагани. Според прогнозите таа ќе биде проследена со ветрови со максимална брзина од околу 85 км/ч и ќе донесе дождови од редот на 30 см, во подрачје кое се протега од Мисисипи до западниот дел на Џорџија. Потоа ќе помине низ долината Тенеси утре и задутре.

 

Над 5.000 луѓе беа евакуирани во Куба поради „Алберто“, пренесе ТАСС, повикувајќи се на кубанската национална телевизија.

 

Невремето доведе до поројни дождови, особено во западните и централните делови на земјата. Невремето предизвика нагло покачување на нивото на реките и резервоарите и ги поплави ниските области во провинциите Пинар дел Рио, Артемида, Матансас, Виља Клара и Санкти Спиритус.

 

Нема докази за жртви и штети, но се направи сериозна штета на земјоделските култури.

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Липо ласер и спа капсула за прв пат во Прилеп

Play Video

Следете не на facebook

 

Вашата поддршка многу ни значи