Претседателите на Русија и САД, Владимир Путин и Доналд Трамп ќе се состанат на 16 јули во Хелсинки, соопштија од Кремљ и Белата куќа.
Трамп ќе учествува на самитот на НАТО на 11. и 12 јули во Брисел, а потоа ќе се состане со Путин.
Трамп на новинарите им рече дека со Путин ќе разговара за војната во Сирија и ситуацијата во Украина.
Американскиот претседател веќе нагласи дека сака подобри односи со Русија, а со Путин последен пат се состана за време на азиско-пацифичкиот самит во Виетнам во ноември минатата година.
