Фудбалската репрезентација на Белгија обезбеди место меѓу четирите најдобри на светот, откако синоќа со 2-1 го доби четвртфиналниот дуел со фаворизираниот Бразил.
„Црвените ѓаволи“ не се усплашија од петкратниот светски првак, а еден од најдобрите на теренот беше Еден Азар, кој одигра како вистински капитен. Иако директно не учествуваше во погодоците на својата репрезентација, Азар успеа да израмни рекорд стар 52 години.
Ѕвездата на Челзи против Бразил имаше десет успешни од десет обиди за дриблинг, со што израмни рекорд на СП кој е поставен во далечната 1966 година.
Кога во прашање се дриблинзите, најуспешен во ова поле во историјата е легендарниот Џеј Џеј Окоча, кој на СП 1994 година во САД на мечот со Италија имаше дури 15 успешни дриблинзи, но не и 100% учинок.
