Фудбалскиот ас Несторовски, му го подари својот победнички дрес на градоначалникот Јованоски

Иднината на фудбалот во Прилеп и Македонија, беа тема на денешната средба во Општина Прилеп, на градоначалникот Илија Јованоски со прилепскиот интернационалец и македонски репрезентативец, Илија Несторовски.

 

Несторовски, којшто моментално настапува за италијанскиот „Палермо“ го запозна градоначалникот Јованоски со функционирањето на големите италијански и европски фудбалски клубови и со начинот на којшто, тие остваруваат соработка со властите во нивните земји, во правец на подобрување на спортската инфраструктура и градење на млади фудбалски таленти.

 

Според градоначалникот, нашиот сограѓанин, спортски ас, Несторовски и другите македонски интернационалци, се вистински спортски амбасадори ширум светот. Тие имаат непроценлива улога во промоцијата на македонскиот фудбал и на новите таленти од нашиот Прилеп и Македонија.

 

Во оваа пригода, Несторовски му го подари својот дрес со бројот и боите на „Палермо“ на градоначалникот Јованоски.

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien