Фетаи побара притвор за Груевски поради неговото доцнење

Обвинителката од СЈО, Фатиме Фетаи, на денешното рочиште за случајот „Насилство во Центар“, познат и како „Шамари во Центар“, побарала притвор за обвинетиот поранешен премиер Никола Груевски.

 

Груевски доцнел 15 минути и на денешното рочиште за „Насилство во Центар“, во коj е првообвинет. Токму затоа, Фетаи побарала притвор за него, или пак, полицијата да го спроведува до Судот.

 

„Според член 380 став 3 од Законот за кривична постапка, треба да биде приведен, ова не е во ред“, рече Фетаи.

 

Во предметот обвинети се поранешниот премиер Груевски, поранешниот министер за транспорт и врски Миле Јанакиески, екс советничката на ВМРО-ДПМНЕ Даниела Рангелова и уште деветмина други лица.

 

На претходните рочишта за овој предмет, вина признаа четвртообвинетиот Томислав Лазаров и петообвинетиот Јордан Ристевски и добија условни казни. За седмообвинетиот Димче Крстев, пак, се води одвоена постапка.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien