Метеоцунами го поплави брегот на шпанските летувалишта

Бранови слични на тие што ги предизвикува цунами ги поплавија плажите на шпанските летувалишта Мајорка и Менорка.

 

„Застрашувачки бран удри во познатото летувалиште Пуерто де Алкудиа во Мајорка, поплавувајќи ресторани и патеките покрај плажите“, пишува Индепендент.

 

Странските медиуми пишуваат дека овој феномен се нарекува „метеоцунами“ и е предизвикан од брзите промени на воздушниот притисок што резултира со ненадејно поместување на огромно количество вода и формирање големи бранови.

 

За разлика од обичните извори на цунами од импулсен тип, односно земјотрес, ефектите на метеоцунамито во морињата и океаните се во ограничен период, од неколку минути до неколку часа.

 

Цунамито и метеоцунамито се слични и не е лесно да се разликуваат.

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.

WP-Backgrounds Lite by InoPlugs Web Design and Juwelier Schönmann 1010 Wien