Милиони Американци се подготвуваат за ударот на еден од најкатастрофалните урагани во последниве неколку децении. Се проценува дека силата на моќниот „Флоренс“, во моментот кога ќе дојде до источните делови на САД ќе ја достигне високата петта категорија и ќе има потенцијал да зафати неколку сојузни држави.
Претседателот на САД, Доналд Трамп, синоќа изјави дека приоритет на властите е безбедноста на населението, додавајќи дека федералната влада е подготвена за реакција.
Додека силниот Флоренс се приближува на Источниот брег на САД, во делови на три американски држави наложена е евакуација на жителите. Милиони Американци се подготвуваат за најкатастрофалниот ураган во тој регион во изминатите децении.
Директорот на Националниот центар за урагани Кен Грејем предупредува дека размерот на ураганот Флоренс е застрашувачки.
На обилни дождови, поплави и снемување на струја се подготвува и Вашингтон, чиј градоначалник Мјурек Баузер прогласи вонредна состојба, наведувајќи дека тоа е нужен чекор за да се обезбедат ресурси и поддршка со оглед на повеќедневните врнежи кои се очекуваат.
Ураганот е од четвртата категорија, што надлежните велат дека се очекува да се засили и да достигне на пет што значи дека има потенцијал да предизвика катастрофални последици.
Невремето моментално се наоѓа околу 640 километри јужно од Бермуд и ќе се движи со брзина од околу 210 километри на час.
