Германската селекција е најлошата во 108-годишната историја

Share on facebook
Facebook
Share on twitter
Twitter
Share on email
Email
Share on print
Print

Германската фудбалска репрезентација се соочува со сериозна резултатска криза, а урива и неславни статистички рекорди. 2018 година ќе остане запаметена како најлошата година во историјата на германската фудбалска репрезентација, која во својата 108-годишна историја, никогаш немала толку слаби резултати.

 

Со поразот од Франција вчеравечер со 2-1, првпат во историјата Германија запиша шест последовни неуспеси во една календарска година. Пред Франција, тимот на Јоаким Лев губеше и од Бразил, Австрија, Јужна Кореја, Мексико и од Холандија.

 

На вкупно 11 натпревари, Германија победила само на три и тоа многу тесно, од по 2-1 против Саудиска Арабија и Перу на пријателски натпревари и против Шведска на Светското првенство во Русија. Момците на Јоаким Лев имаат и ужасна гол-разлика на овие 11 натпревари. Германија примила вкупно 15 голови, а постигнала само девет. Само на еден натпревар Германија ја сочувала својата мрежа годинава и тоа против Франција на домашен терен во првото коло од Лигата на нации.

 

До крајот од годината, Германците ќе се соочат со Русија и со Холандија и ако не ги победат „лалињата“, ќе бидат исфрлени од дивизијата А во Лигата на нации.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи