Редок розов дијамант се продаде за рекордни 50 милиони долари

Редок розов дијамант се продаде на аукција за 50,3 милиони франци (50 милиони долари), што е рекордна вредност по карат. „Пинк легаси“, тежок само 19 карати, беше купен од американскиот бренд „Хари Винстон“ на аукцијата во Женева.

 

Цената од 2,6 милиони долари по карат е светски рекорд за розов дијамант, според европскиот оддел на аукциската куќа „Кристис“.

 

Пред да биде ставен на продажба, тој беше проценет меѓу 30 и 50 милиони долари и се продаде само пет минути откако почна наддавањето. Новите сопственици му дадоа на дијамантот ново име – „Винстон пинк легаси“.

 

„Овој дијамант важи за еден од најубавите на светот. Тој има речиси 19 карати и е најрозов што може да биде, што е неверојатно и невидено. Тој го има највисокото ниво на интензитет на боја“, изјави Рахул Кадакија од „Кристис“.

 

Каменот бил пронајден во рудник во Јужна Африка пред стотина години и првпат бил обликуван во 1920 година.

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи