Укината затворската казна на дедото на Тамара, Апелација го врати случајот од почеток

Share on facebook
Facebook
Share on twitter
Twitter
Share on email
Email
Share on print
Print

Апелацискиот суд Скопје го врати предметот за случајот со дедото на малата Тамара на почеток. Љупчо Стојановски на 12 јули годинава беше осуден на казна затвор од седум и пол години поради обидот за убиство на поранешниот министер за здравство Никола Тодоров.

 

„Пресудата е недоволно јасна и разбирлива, а во образложението не се содржани доволно причини за решителните факти во однос на постоењето на предметното кривично дело и кривичната одговорност на страна на обвинетиот“, пишува во одлуката на Апелација.

 

Новото рочиште, според информациите од Кривичниот суд, е закажано за 5 декември.

 

Стојановски се обиде да пука врз Тодоров на денот кога тој требаше да ја предаде министерката функција на 1 јуни минатата година.

 

Малата Тамара Димовска почина пред повеќе од три години, чекајќи операција на рбетот во странство. Против лекарите сега се води судски процес.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи