Ставре Јада активно се подготвува за светското јуниорско првенство во биатлон во Словачка

Пред околу 10-тина денови започна новата зимска сезона 2018/2019 за нашиот репрезентативец во нордиско скијање, биатлон и олимпиец, Ставре Јада. Иако не помина најдобро на 2-те трки во биатлон поради лошите временски услови кои се одржаа во Шведска, Јада вели дека ништо не го разочарува и активно се подготвува за трките кои наредниве денови го очекуваат во Австрија и Италија.

 

„На 15 декември имам трка во спринт биатлон во Италија на 10 км. Потоа се враќам во Австрија каде ќе имам 20 км. долга трка во биатлон на 19 декември. На 21-ри имам супер спринт, а на 22-ри спринт трка во биатлон на 10 км. Во Австрија сум веќе 5 дена и имам што да научам од Антон Шипулин еден од најдобрите рускии биатлонци. Најважно од се за мене е светското јуниорско првенство во биатлон кое ќе се одржи во Словачка во јануари“, истакна Јада.

 

Една од главните амбиции оваа година исто така му било и остварување на добри резултати во нордиско трчање, а од наредната година и да стартува на светскиот куп во нордиско трчање.

 

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи