Претседателските избори на 21 април – ќе се распишат до 8 февруари

Facebook
Twitter
Email
Print

Се разгледува можноста првиот круг од претседателските избори да се одржи на 21 април, а вториот на 5 мај, а изборите да се распишат најдоцна до 8 февруари со што би се испочитувала законската рамка, изјави денеска на прес-конференција претседателот на Собранието Талат Џафери.

 

Тоа, како што посочи би било во согласност со Изборниот законик, во однос на роковите кои треба да се запазат, односно не повеќе од 90 дена и не помалку од 70 дена од распишување на изборите до денот на нивното одржување. Мандатот на шефот на државата Ѓорге Иванов завршува на 12 мај.

 

Претседателските избори, посочи Џафери, првично било планирано да се одржат првиот круг на 14 април, а вториот на 28, но со оглед на тоа дека на 28 април е Велигден, направено е поместување на датумите.

 

Во однос на можноста за распишување парламентарни избори, Џафери рече дека со оглед на актуелните случувања во државата во однос на активностите за влез во ЕУ и НАТО доколку има избори ќе дојде до престанок на нормалното функционирање на институциите.

 

Се надева дека до претседателските избори ќе има нов состав на Антикорупциската комисија. Нагласи дека се прават напори да се хармонизира законот за спречување на корупција и судир на интереси, кој има европско знаменце со роковите.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи