Викендов извршена контрола на 1.155 возила на подрачјето на СВР Битола

Полициски службеници во Секторот за внатрешни работи Битола, изминатиот викенд, извршиле контрола за брзина, зимска опрема, управување без возачка, нерегистрирани возила, непочитување првенство, исправност на возилата , товарни возила,  појас, светло и алкохол, во сите полициски станици на 1.155 возачи и возила.

 

„При контролата, кај  16 возачи е  откриено присуство на алкохол и истите се исклучени од сообраќај. При контролата откриено е дека 13 возила се технички неисправни и истите се испратени на технички преглед, 24 возачи управувале без возачка дозвола, а кај 84 други возачи откриено е дека управувале возила со поголема максимална брзина од дозволената.За неправилно паркирање издадени се 25 мандатни налози ,а писмено опоменати се 20 возачи. На 42 возачи  изготвени им се мандатни платни налози и ќе се соочат со соодветни глоби, а исто така изготвени се и 25 прекршочни налози. Исто така при контролата откриени се и други 56 видови останати прекршоци. Издадени се вкупно 152 мандатни платни налози и 63 платни налози“, соопштија од СВР Битола.

 

На целото подрачје на Секторот за внатрешни работи Битола во текот на викендот случени биле четири сообраќајни незгоди во кои две лица се здобиле со телесни повреди.

 

 

 

Не е дозволено преземање на оваа содржина или на делови од неа, што се однесува на текст, фотографија и видео, без дозвола од редакцијата на ИНФО КОМПАС.