Крушево прогласено супербренд за туризам за 2018 година

Општина Крушево е бренд за 2018 година во областа туризам и е единствената општина која е дел од Супербрендс изданието. Крушево е избрано за супербренд во конкуренција на 1.200 компании, институции и организации со гласовите на над 5.000 потрошувачи и стручно жири.

 

Во рамките на промоцијата која се одржа на 7-ми февруари 2019 година во хотел Александар Палас во Скопје градоначалникот на општина Крушево Томе Христоски го прими признанието и посочи дека во 2018 година Крушево има пораст од 70 отсто во бројот на туристи.

 

„Во споредба со 2017 година, во 2018 година Крушево има 70 отсто повеќе посетители и годинава во Крушево се одржува Светско првенство во параглајдерство“, изјави градоначалникот Христоски.

 

Христоски се заблагодари на организаторите на настанот и на Супербрендс и ги покани присутните да го посетат Крушево.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи