Филипче: Сите завршени млади лекари ќе добијат понуда за работно место

Facebook
Twitter
Email
Print

Министерот за здравство, Венко Филипче, најави дека во најскоро време ќе обезбедат средства за модел со кој сите млади лекари кои го завршиле образованието ќе добијат понуда за работа во македонското здравство.

 

„Ние веќе направивме промена во Законот за здравствена заштита, со која воведовме шестмесечен задолжителен стаж на примарно ниво и на ниво на итна медицинска служба за сите млади лиценцирани лекари. Меѓутоа сакаме овој модел да го надградиме, за кој во најскоро време ќе обезбедиме дополнителни средства, за сите завршени млади лекари, кои се околу 300 на број во нашата држава од сите три медицински факултети, да добијат понуда за работно место. Веќе работиме на моделот, на правилникот согласно Законот, се надевам дека најмногу за еден и пол месец ќе го имаме точниот начин со кој на секој завршен млад лекар, без разлика на било каква припадност, ние да му понудиме работно место во нашиот здравствен систем“, рече Филипче.

 

Тој ова го кажа како една од мерките за решавање на проблемот, за кој деновиве алармираше Асоцијацијата на специјализанти млади лекари, дека јавните здравствени установи при вработување на специјализанти не ги одбираат оние кандидати кои се најквалитетни, туку со протекции.

 

Филипче не одговори конректно дали ќе го променат законот, со кој сега, директорите на здравствените установи имаат дискреционо право да одлучуваат кој ќе се вработи.

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи