Ново архитектонско чудо на Кина – хоризонтален облакодер

Наречено чудо на инженерството, долгоочекуваниот хоризонтален објект кој се гради во кинескиот град Чонгчинг, по речиси шест години, наскоро ќе биде завршен, информира Си-ен-ен.

 

Дизајнирано од светски познатиот архитект Моше Сафди, проектот е со големина од 1,12 милиони квадратни метри, составен од осум кули и гигантски воздушен хоризонтален мост кој спојува 4 од нив. Поради тоа го ословуваа и како „хоризонтален облакодер“. Два облакодери од мегапроектот се високи 350 метри и се познати како највисоки објекти во Чонгкин. Останатите шест се високи околу 250 метри.

 

Хоризонталниот мост беше наречен „Кристал“, долг е 300 метри, широк 32.5 метри и висок  26.5 метри. Во неговиот простор се предвидени големи градини, ресторани, огромен базен, трговски центар со големина од 230 илјади метри квадратни, 1.400 апартмани за живеење и луксузен хотел со големина од 160 илјади метри квадратни. Изградбата на „Кристал“ беше започната во 2013 година.

 

Вредноста на градбата се проценува дека е 3,8 милијарди долари.

 

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Следете не на facebook

 

Вашата поддршка многу ни значи