ВИДЕО – Фото Кино Клубот „Прилеп“ вечерва ја одржа својата 6-та клупска изложба на уметнички фотографии

Share on facebook
Facebook
Share on twitter
Twitter
Share on email
Email
Share on print
Print

Во домот за култура „Марко Цепенков“ вечерва во Прилеп се одржа 6-тата по ред традиционалната клупска изложба на уметнички фотографии на Фото кино клубот Прилеп, која што се организира во чест на фотографот Јордан Зазоски – Зазо. На изложбата беа поставени 61 фотографија од 52 автори. Фотографиите се изработении во текот на 2018 година.

 

 

„Целта на нашиот клуб е понатаму да ја развиваме љубовта кон фотографијата и кино уметноста. Љубовта кон фотографијата во нашиот град е изненадувачки на доста големо ниво и се надеваме дека овие млади автори и во иднина ќе го претставуваат Прилеп во најдобро можно светло. Во моментов учествуваме на голем број меѓународни изложби низ целиот свет, учествуваме на домашните изложби, а исто така учествуваме и на голем број фестивали во кино техниката. Морам да напоменам дека голем број наши членови, кои учеа во овој клуб сега се на факултетите за аудио визуелни уметности и се покажуваат како едни од подобрите студенти“, истакна Сашко Попоски, претседател на Фото кино клуб Прилеп.

 

Моментално клубот брои околу 130 членови од кои 70-тина се доста активни.

 

„Учествувам по втор пат на оваа изложба со 2 фотографии. Фотографијата ја гледам како уметност, исто така се занимавам и со филм. Но повеќе се фокусирам на фотографијата бидејќи сметам дека со една фотографија може да се кажат милион зборови и е многу потешка за работа“, рече Андреј Златаноски, член на фото кино клуб Прилеп.

 

„Моментално на изложбава немам фотографија бидејќи започнав со факултетот и неможев толку многу да се активирам. Но сум учествувала на претходните изложби и на претпоследната јас го добив називот втора класа фотограф. Според мене фотографијата е еден медиум преку кој можеме да го искажеме сето она што го чувствуваме и затоа таа многу ме привлекува. Исто така ме привлекува и филмот, всушност тоа и студирам“, истакна Анастасија Бошкоска, член на фото кино клуб Прилеп.

 

Од Фото кино клубот Прилеп истакнаа дека и во иднина ќе работат со уште поголем ентузијам на привлекување на нови членови за што е можно поголема поларизација на фотографијата и кино техниката.

 

 

 

Не е дозволено преземање на оваа содржина или на делови од неа, што се однесува на текст фотографија видео без дозвола од редакцијата на ИНФО КОМПАС.

Можеби ќе ве интересира

Нови атрактивни профили за учебната 2021/2022 во СОУ „Ристе Ристески-Ричко“

Play Video

Профили за уписи во I ( прва ) година во СОУ „Орде Чопела“ - Прилеп

Play Video